|
PDF (126 KB)
SeniorCare yog dab tsi?
SeniorCare yog ib qho Kev Pab Them Nqi Tshuaj rau cov neeg laus nyob hauv Viv Xis Kas Xees uas muaj hnub nyoog 65 xyoos rov sauv uas tsim nyoog raws li cov nqe teem tseg. Qhov kev pab no yog ua los pab cov laus them lawv tej nqi tshuaj. Cov uas xav tau qhov kev pab no thov thaum twg los tau. Department of Health and Family Services (DHFS) yog tus tswj SeniorCare qhov kev pab. Yuav kom tsim nyog rau SeniorCare:
- Koj yuav tsum yog neeg nyob hauv Viv Xis Kas Xees.
- Koj yuav tsum muaj 65 xyoos rov sauv.
- Koj yuav tsum them $30 ib xyoos twg thaum nkag rau ib tug neeg twg.
- Khoom ntaus ua nyiaj, xws li nyiaj hauv tuam txhab tso nyiaj, kev tuav pom hwm, vaj tse, lwm yam, yuav tsis suav.
- Koj qhov nyiaj tau txhua xyoo yog qhov yuav los xyuas seb pab tau pes tsawg.
Ntxiv mus thiab, cov neeg tau txais txoj kev pab no yuav tau them ib lub xyoos twg ntawm nws ntiag tug rau kev kho mob raws li nws cov nyiaj xyoo, ib yam li daim cuam khoov nram qab no. Cov kev pab them nqi tshuaj yuav txawv raws Seem. Saib daim ntawv qhia yam muaj tseeb txog SeniorCare Cov Tshuaj Uas Them ntawm
http://dhs.wisconsin.gov/seniorCare/information.htm. los sis hu rau koj qhov chaw nqa tshuaj los sis SeniorCare Tus Xov Tooj Pab Neeg.
|
Nyiaj Tsis Pub Tshaj* |
Nyiaj Uas Yuav Tau Siv Txhua Xyoo Ntawm Yus Thiab
Qhov Kev Pab Tau Los |
| Seem 1 — Tau li los sis qis tshaj $16,640 rau ib tug neeg
twg los sis $22,400 rau ib khub twg txhua xyoo.* |
- Tsis muaj qhov yus them yus los
sis tus nqi rho kev them nqi tshuaj ntawm yus tus kheej.
- Them $5 rau ib qho tshuaj uas tsis nrov npe thiab $15 rau ib qho tshuaj
uas nrov npe.
|
| Seem 2a — $16,641 rau $20,800 rau ib tug neeg twg thiab
$22,401 rau $28,000 rau ib khub twg txhua xyoo.* |
- $500 uas yus them yus rau ib tug neeg twg.
- Them SeniorCare tus nqi rau cov tshuaj kom txog thaum them nto qhov
$500 uas yus them yus.
- Tom qab qhov $500 uas yus them yus, them $5 rau ib qho tshuaj uas nrov
npe thiab $15 rau ib qho tshuaj uas tsis nrov npe.
|
| Seem 2b — $20,801 rau $24,960 rau ib tug neeg twg thiab
$28,001 rau $33,600 rau ib khub twg txhua xyoo |
- $850 uas yus them yus rau ib tug
neeg twg.
- Them SeniorCare tus nqi rau cov tshuaj kom txog thaum them nto qhov
$850 uas yus them yus.
- Tom qab qhov $850 uas yus them yus, them $5 rau ib qho tshuaj uas tsis
nrov npe thiab $15 rau ib qho tshuaj uas nrov npe.
|
| Seem 3 — $24,961 los sis siab tshaj rau ib tug neeg twg
thiab $33,601 thiab siab tshaj rau ib khub twg txhua xyoo.* |
- Them tus nqi tshuaj uas ntau li qhov seem ntawm koj qhov nyiaj tau
thiab $24,961 rau ib tug neeg twg los sis $33,601 rau ib khub twg. Qhov
no yog hu ua "tus nqi rho kev them nqi tshuaj ntawm yus tus kheej."
- Cov nqi tshuaj uas them rau tus nqi rho kev them nqi tshuaj ntawm
yus tus kheej yuav suav tas li. Lub sij hawm yus them nqi tshuaj yus tus
kheej, yuav tsis muaj txo nqi rau nqi tshuaj.
- Tom qab cov nqi them nqi tshuaj tag lawm, ces ib tug neeg twg tau
them $850 ntawm qhov yus them yus rau cov tshuaj.
- Them SeniorCare tus nqi rau cov tshuaj uas feem ntau kom txog qhov
$850 uas yus them yus.
- Tom qab qhov $850 uas yus them yus, them $5 rau ib qho tshuaj uas nrov
npe thiab $15 rau ib qho tshuaj uas tsis nrov npe.
|
*Cov nyiaj tau no yog raws li tsoom fwv tshooj cai qhia xyoo
2008 rau feem txom nyem, uas yuav muaj nqi me ntsis rau ib xyoos twg.
Yuav ua li cas yog tias cov neeg tau kev pab ntawv muaj lwm txoj kev pab them nqi tshuaj thiab?
Cov neeg uas twb muaj lwm txoj kev pab them nqi tshuaj los ntawm lwm qhov kev pab los yeej tsim nyog nkag tau rau hauv SeniorCare. Yog tias koj twb muaj ib qhov kev tuav pov hwm rau kev kho mob, SeniorCare yuav koom nrog rau koj txoj kev pab uas tau lwm qhov los. Cov neeg uas nkag rau hauv Medicaid yuav tsis tsim nyog rau SeniorCare, vim hais tias Medicaid twb pab them nqi tshuaj lawm.
Qhov yus them yus yog dab tsi?
Qhov yus them yus yog ib qho uas tus neeg tau txais kev pab hauv Seem 2a, 2b thiab 3 yuav tau them txhua xyoo rau cov tshuaj ua ntej yuav koom tau rau hauv seem uas them tus nqi tsawg. Lub sij hawm uas yus them yus, tus neeg txais kev pab yuav tau txais SeniorCare tus nqi rau cov tshuaj yuav.
“SeniorCare Tus Nqi” yog dab tsi?
“SeniorCare tus nqi ” yog ib tug nqi luv rau cov tshuaj feem ntau. Cov neeg tau txais kev pab rau lub sij hawm yus them yus yuav them SeniorCare tus nqi rau cov tshuaj.
Tus nqi rho kev them nqi tshuaj ntawm yus tus kheej yog dab tsi?
Nyob ntawm Seem 3, koj tau ib tug nqi rho kev them nqi tshuaj ntawm yus tus kheej txhua xyoo uas yuav tau ua. Tus nqi ntawm qhov tus nqi rho kev them nqi tshuaj ntawm yus tus kheej yog qhov txawv ntawm koj qhov nyiaj tau rau ib xyoos thiab 240% ntawm Tsoom Fwv Seem Rau Feem Txom Nyeem tam sim no.
Tom qab koj tau qhov tus nqi rho kev them nqi tshuaj ntawm yus tus kheej, thaum lub sij hawm pab koj, koj yuav tau ib qho $850 uas yus them yus. Koj yuav tau txais SeniorCare tus nqi rau cov tshuaj uas kam them rau koj lub sij hawm uas yus them yus.
Kuv Yuav Siv Tau Cov Nqi Li Cas Rau Qhov Yus Them Yus los sis Rho Kev Them Nqi Tshuaj Ntawm Yus Tus Kheej?
Tsuas yog SeniorCare cov tshuaj uas yuav los ntawm tus nqi muag thiaj li yuav siv tau rau tus neeg txais kev pab qhov nqi tshuaj ntawm yus tus kheej thiab SeniorCare cov tshuaj uas yuav ntawm SeniorCare tus nqi thiaj li yuav siv tau rau qhov yus them yus tus kheej. Lwm cov nqi kho mob, xws li mus ntsib kws kho mob los sis kev pab tim tsev kho mob yuav tsis xam rau SeniorCare qhov nqi tshuaj ntawm yus tus kheej los sis yus them yus.
2008 SeniorCare Qhov Nyiaj Tsis Pub Tshaj
|
Pawg Coob |
Seem 1
Nyiaj tau li los sis nqi tshaj 160% FPL |
Seem 2a
Nyiaj tau li ntawm 160% - 200% FPL |
Seem 2b
Nyiaj tau li ntawm 200% - 240% FPL |
Seem 3
Nyiaj tau ntau tshaj 240% FPL |
|
Ib leeg |
$16,640 |
$16,641 - $20,800 |
$20,801 - $24,960 |
$24,961 + |
|
Ib khub |
$22,400 |
$22,401 - $28,000 |
$28,001 - $33,600 |
$33,601 + |
Xav Paub Moj Kab Sim Ntxiv:
The Department of Health and Family Services yog ib qhov chaw ua hauj lwm uas tsis xaiv neeg thiab muab kev pab. Yog tias koj muaj kev tsis meej xeeb pem thiab xav tau cov moj kab sim no ua lwm hom ntawv, los sis tim tsum kom muab txhais ua lwm hom lus, thov hu (608) 266-3356 los sis (888) 701-1251. Tag nrho cov kev txhais ntawv yog dawb xwb.
Yog muaj lus nug txog neeg cov cai (608) 266-9372 los sis (888) 701-1251 TTY.
PHC 10078H (02/08)
Learn about PDF documents
Date Last Revised:
July 07, 2008
|
