Nyob zoo cov phooj ywg uas tseem tab tom yuav nkag rau lub koom
haum kho mob BadgerCare Plus HMO:
Feem coob ntawm cov neeg uas nyob rau Wisconsin BadgerCare Plus
program tau txais kev pab kho mob los ntawm cov koom haum kho mob
HMOs (Health Maintenance Organizations). Phau ntawv no yuav pab qhia
koj xaiv ib lub koom haum kho mob HMO rau koj tsev neeg. Koj yuav
tsum tau xaiv tib lub koom haum kho mob HMO rau tag nrho txhua leej
txhua tus hauv koj tsev neeg.
Koj yuav nkag tsis tau rau txhua txhua koom haum kho mob HMOs
nyob hauv phau ntawv no. Koj xaiv tau ib lub koom haum kho mob uas
nyob rau hauv koj daim ntawv sau npe nkag rau los yog HMO
Enrollment Choice form. Cov koom haum kho mob HMOs ua lawv twb
sau tias “full” no ces yog puv lawm es lawv tsis txais neeg tshiab
nkag rau lawm.
Yog koj muaj lus nug dab tsi los yog xav tau kev pab sau npe nkag
rau lub koom haum kho mob Wisconsin BadgerCare Plus HMO, koj hu xov
tooj rau tus neeg pab koj sau npe nkag log yog tus Enrollment
Specialist rau tus xov tooj hu dawb ntawm 1-800-291-2002 thaum
7:00 sawv ntxov mus txog 6:00 tsaus ntuj, hnub Monday mus txog
Friday. Tus Enrollment Specialist ntawd kuj yuav muaj kev txhais lus
pab rau cov neeg tsis paub lus Mes Kas zoo thiab.
Tus Enrollment Specialist yuav muaj cuab kav qhia tau rau koj
tias koj tus kws kho mob puas txais yuav cov BadgerCare Plus HMOs.
Tus Enrollment Specialist kuj yuav pab koj sau npe nkag rau ib lub
HMO uas koj nyiam thaum koj hu xov tooj nrog nws tham thiab nws kuj
yuav pab koj ua tej ntaub ntawv nkag rau lub koom haum kho mob ntawd
tau thiab.
Ua tsaug ntau uas koj tseem xaiv lub koom haum kho mob Wisconsin
BadgerCare Plus HMO thiab!
Next — Yuav Hu Xov Tooj Nug Leej Twg
Previous — Translations
Wisconsin Medicaid Recipient Section
|
