|
Wisconsin Medicaid
Kev pab cuam them nqi kho mob rau koj los sis ib tug koj paub
Brochure - PDF
Wisconsin Medicaid muaj ntau qhov kev pab cuam rau cov neeg tu ncua los
sis cov tsis tau nyiaj ntau los pab them lawv tej nqi kho mob. Cov uas tsim
nyog tau txais kev pab cuam hauv Medicaid yog cov:
- Muaj hnub nyoog 65 xyoos los sis 65 xyoos rov saud
- Dig muag los sis pab tsis tau tu kheej
- Muaj hnub nyoog qis dua 19 xyoos
- Poj niam cev hnyav
- Tsev neeg uas muaj menyuam yaus
- Poj niam hnub nyoog 35 mus txog 65 xyoos uas raug tshuaj tau tias muaj tej
yam mob cancer
- Poj niam hnub nyoog 15 mus txog 44 xyoos uas xav tau kev pab cuam caiv
tsis pub muaj menyuam
Cov kev cai thiab cov ntsuam nyiaj hli tsis sib thooj rau txhua qhov kev pab
cuam.
Medicaid pab them nqi:
- Kho hniav
- Mus ntsib kws khomob
- Kev pab caiv tsis pub muaj menyuam
- Kev tshuaj hnov lus, nrog rau ua lub pob ntseg
- Kev pab thaum yuav tag sim neej (Hospice Care)
- Pw hauv tsev khomob
- Txhaj tshuaj tiv thaiv kab mob
- Tshuaj ntshav tshuaj zis thiab xoo fais fab
- Khoom siv kho mob
- Kho puas siab puas ntsws thiab kev txhawb zog (Mental health and day
treatment)
- Kev pab los ntawv cov tu neeg mob (Nursing services)
- Tshuaj qhovmuag, nrog rau txiav tsom iav qhov muag
- Kev tu hauv tsev thiab kom nyob tau hauv tsev
- Kho mob thaum cev hnyav
- Tshuaj noj uas tau ntawv thiab tshuaj uas tsi tas tau ntawv
- Kho quav dej quav cawv quav yeeb quav tshuaj
- Kev pab hais lus, kev pab xyab cev, thiab kev pab kom rov qab ua tau hauj
lwm
- Tsheb thauj mus los rau cov chaw kho mob
Thiab muaj ntau yam ntxiv!
Nws muaj ntau yam kev pab cuam hauv Medicaid.
Puas muaj ib yam haum koj,
los sis haum rau ib tug neeg koj paub?
Family Medicaid yog muaj rau cov niam txivvthiab lawv cov menyuam hnub nyoog qis dua 19 xyoos, thiab rau cov txheeb ze uas tu ib tug menyuam txheeb lawv.
BadgerCare yog muaj rau cov niam txiv uas tsis muaj kev pov fwm noj qab haus huv thiab lawv cov menyuam hnub nyoog qis dua 19 xyoos. Qhov no yog rau cov tsev neeg uas tsis tau txais kev pab los ntawm Family Medicaid vim lawv tau nyiaj ntau dhau.
Healthy Start yog muaj rau cov menyuam thiab cov poj niam cev hnyav. Ib cov Medicaid kws khomob los sis tsev tshuaj mob muaj peev xwm pab kev noj qab haus huv thaum tab tom cev hnyav tam sim ntawd, ua ntej tseem tsis tau mus thov tom lub chaw saib kev pab cuam Medicaid. Cov menyuam mo liab yuav tau Medicaid, yog tias leej niam yeej tau Medicaid hnub uas tus menyuam nim qhuav yug kiag.
Medicaid Extensions pab cov tsev neeg kom tau nyob hauv Medicaid yog tias lawv cov nyiaj hli hloov.
Elderly, Blind or Disabled Medicaid yog ib qho kev pab cuam rau cov neeg uas muaj hnub nyoog 65 xyoos los sis 65 xyoos rov saud, dig muag los sis pab tsis tau tus kheej.
Community Waivers pab cov neeg laus, dig muag los sis pab tsis tau tus kheej nyob hauv lawv tej vaj tej tsev los sis nyob hauv zos, kom txhob tau mus nyob hauv lub xeev cov tsev ceev neeg los sis tsev laus.
Family Care yog ib qho kev pab cuam mus ntev ntev rau cov neeg laus, cov ua tuag tes tuag taw los sis paj hlwb tsis zoo.
Medicaid Purchase Plan pab kev noj qab haus huv rau cov neeg uas pab tsis tau lawv tus kheej tiam sis kuj tseem ua hauj lwm. Medicaid Deductible yuav pab yog tias koj muaj nqi kho mob siab thiab koj cov nyiaj hli siab tshaj Medicaid tus ntsuam nyiaj txiag.
Medicaid Premium Assistance yuav pab ib cov neeg them lawv cov nqi nkag rau hauv Medicare Feem A thiab B.
Family Planning Waiver Program yog muaj rau cov poj niam hnub nyoog 15 mus rau 44 xyoos. Qhov kev pab cuam no yog pab them tej nqi caiv tsis pub muaj menyuam. Koj tus kws khomob los sis lub tsev pab cuam caiv tsis pub muaj menyuam tej zaum yuav pab tau tej yam kev caiv tsis pub muaj menyuam xws li tshuaj los khoom caiv mus txog li 90 hnub, thaum koj tseem thov kev pab cuam tom lub chaw saib kev pab cuam Medicaid.
Tuberculosis (TB) Related Services pab cov neeg uas xav tau kev kho mob ntsws.
Well Woman Medicaid pab cov poj niam uas raug tshuaj tau tias lawv xav tau kev kho mob rau tej yam mob cancer.
Yuav raug nqi npaum cas
Ib cov neeg yuav tau them ib feem ntawm cov nqi kho mob uas lawv tau txais.
Qhov no hu ua nqi faib them, feem yuav tsum them, nqi nkag los sis nqi them ua
ntej.
Cov menyuam hnub nyoog qis dua 18 xyoos, cov poj niam los sis cov neeg uas
koom rau hauv ib lub Medicaid HMO yuav tsis muaj qhov nqi faib them.
Ua ntej koj yuav mus thov
Yog koj xav paub seb koj puas tsim nyog tau txais Medicaid ua ntej koj mus
tso ntaub ntawv thov, koj mus saib tau hauv ACCESS, lub xeev tus ntsuam xyuas.
Qhov chaw yog
access.wisconsin.gov. Nws yuav siv sij hawm li 15 feeb thiab tom qab koj
ua tag nws yuav qhia tau tias seb koj puas tsim nyog tau txais ib yam ntawm cov
kev pab cuam no. Nws yuav qhia ntxiv tias seb koj yuav mus thov qhov twg thiab
thov li cas. Qhov no tsuas yog ib qhov kev ntsuam xyuas xwb yog li koj yeej
tseem yuav tau mus tso ntaub ntawv thov tom lub chaw saib kev pab cuam Medicaid
los sis thov online hauv
access.wisconsin.gov.
Yuav ua li cas yog koj xav thov
Ua ntej tshaj plaws koj yuav tau txiav txim siab seb koj xav thov li cas. Koj
muaj peev xwm thov tau ib cov kev pab cuam no online hauv
access.wisconsin.gov.
Los sis, koj muaj peev xwm thov tau cov kev pab cuam ntawm no los ntawm kev xa
ntawv thov, thov hauv xov tooj los sis thov tim ntsej tim muag tom lub tsev chaw
saib kev pab cuam Medicaid hauv koj lub zos.
Yog xav paub chaw nyob los sis tus xov tooj ntawm lub chaw saib kev pab cuam
Medicaid, hu rau Recipient Services hauv 1-800-362-3002. Lawv muaj peev xwm xa
tau ib daim ntawv thov tuaj rau koj thiab teb tej lus nug uas tej zaum koj muaj
txog daim ntawv thov los sis txog tej kev pab cuam.
Yog xav paub ntxiv, nug rau:
Lub Department of Health and Family Services (DHFS) yog ib qho chaw ua hauj
lwm thiab pab neeg yam tsis xaiv ntsej xaiv muag. Yog tias koj muaj tej yam tu
ncua (disability) thiab xav tau cov ntaub ntawv qhia no ua lwm hom ntawv, los
sis xav kom muab txhais ua lwm hom lus, thov nug tau hauv (608) 266-3356 (suab)
los sis 1-888-701-1251 (TTY). Kev pab cuam txhais ntawv txhais lus tag nrho yog
pab dawb dawb xwb.
Yog muaj lus nug txog cov cai pej xeem, hu rau (608) 266-9372 (suab) los sis
1-888-701-1251 (TTY).
PHC 10163H (10/06)
| 
