|
HealthCheck yog dab tsi?
Kev tshuaj mob HealthCheck (Wisconsin’s EPSDT Program) yog ib qho kev
pab cuam tiv thaiv mob nkeeg rau txhua tus neeg uas muaj hnub nyoog qis
dua 21 xyoos uas tseem tab tom tau txais kev pab kho mob Wisconsin
Medicaid los yog BadgerCare Plus.
Vim li cas kuv tus me nyuam los yog kuv thiaj yuav tau muaj ib qho kev tshuaj mob HealthCheck?
Kev tshuaj mob HealthCheck qhia rau koj thiab koj tus me nyuam seb yuav tiv thaiv kev mob nkeeg li cas, thiab pab nrhiav tej kab mob thaum tseem ntxov, ua ntej lawv yuav dhau mus ua mob loj. (Nco ntsoov tias tus me nyuam uas noj qab haus huv yog tus uas zoo siab luag ntxhi!). Kev tshuaj mob HealthCheck yog tshuaj cev qaij daim tawv kom tau raws li qhov yuav tsum tau muaj rau cov kev pab cuam xws li Head Start, Child Care los yog WIC (Women, Infants and Children Supplement Food Program) thiab cov tsev kawm ntawv. Kev tshuaj mob HealthCheck kuj tseem yuav ua rau koj tau txais ib co kev pab uas yeej ib txwm tsis them rau thiab.
Yog ho nrhiav pom ib yam mob twg ne?
Kev tshuaj mob HeathCheck yuav pab koj teem caij mus tshuaj ntxiv dua los yog kho tus mob. Kev tshuaj mob HealthCheck tseem yuav pab koj nrhiav kom tau ib tus kws kho mob los yog ib tus kws kho hniav yog koj xav tau ib tus.
Ua kev pab thauj mus los ne?
Koj lub county los yog tribal qhov chaw ua hauj lwm muab kev pab
yuav tsum pab kom koj mus cuag tau cov kev tshuaj mob HealthCheck
raws li cov caij nyoog tau teem tseg. Hu rau lawv yog koj xav tau
kev pab thauj mus los.
Qhov Chaw Muab Kev Kho Mob (Health Care Provider) Lub Npe thiab Tus Xov Tooj
Department of Health Services
Division of Health Care Access and Accountability
PO Box 309
Madison, Wisconsin 53701-0309
P-1007H (07/08)
|
