|
Tsoom fwv qib siab txoj cai kom txhua tus neeg uas lawv thov, los sis tau txais, kev pab cuam los ntawm Medicaid,
BadgerCare los sis Family Planning Waiver Program es lawv hais tias lawv yog pej xeem Amesliskas yuav tsum
muab ntaub ntawv pov thawj ua pej xeem thiab qhia txog tus kheej (koj yog leej twg). Yog koj tab tom thov kev pab
cuam, koj yuav muaj sij hawm tsawg kawg yog 30 hnub muab tej ntaub ntawv pov thawj rau lub chaw saib kev pab
cuam Medicaid. Yog koj tab tom tau txais kev pab, koj yuav tau muab cov ntaub ntawv pov thawj rau koj tus neeg
tuav ntaub ntawv thaum koj rov qab mus tshuaj koj kev pab zaum yuav tuaj no.
Yog koj twb muab cov ntaub ntawv no yav tag los lawm, tej zaum yeej muab khaws tseg nrog koj tej ntaub ntawv
thov lawm; koj tus neeg tuav ntaub ntawv yuav qhia rau koj paub yog nws xav tau ntaub ntawv pov thawj dab tsi
ntxiv.
Txoj cai no tsis raug koj yog tias koj yog ib tug neeg tuaj txawv teb chaws tuaj tab sis muaj ntaub ntawv raws li qhov
keb pab txoj cai, los sis yog ib tug neeg uas tau txais Medicare los sis SSI lawm.
|
Koj muaj peev xwm siv tau ib yam uas teev tseg hauv qab no. |
Muab pov thawj qhia txog koj kev ua pej xeem thiab koj yog leej twg,
koj siv tau:
- Amesliskas Daim Passport (U.S. Passport)
- Daim Ntawv Teev Ua Pej Xeem Amesliskas (Certificate of U.S. Citizenship)
- Daim Ntawv Txia Ua Pej Xeem Amesliskas (Certificate of U.S. Naturalization)
|
Los sis, koj siv tau ib daim ntawv teev tseg hauv qab no. |
Muab pov thawj qhia tias koj yog pej xeem, koj siv tau:
- Amesliskas Daim Ntawv Yug (U.S. Birth certificate)
- Tsoom Fwv Amesliskas Lub State Department Daim Ntawv Yug Nyob Lwm Teb Chaws (U.S. State Department
Report of Birth Abroad)
- Amesliskas Daim ID (U.S. Citizenship ID Card)
- Cov ntawv khaws me nyuam tu qhia tias yug hauv Amesliskas (Adoption papers showing U.S. birth)
- Amesliskas Daim Ntawv Ua Tub Rog (U.S. Military Record of Service)
- Tsev Kho Mob Daim Ntawv Qhia Tias Yug Hauv Amesliskas (Hospital record of U.S. birth)
- Ntawv pov fwm txoj sia los sis noj qab haus huv qhia tias yug hauv Amesliskas (Life or health insurance
record showing U.S. birth)
- Ntawv nkag mus nyob hauv tsev laus qhia tias yug hauv Amesliskas (Nursing home admission papers showing
U.S. birth)
Muab pov thawj qhia tias koj yog leej twg, koj siv tau:
- Daim ntawv tsav tsheb hauv xeev (State driver license)
- Daim ID ua los ntawm tsoom fwv qib siab, xeev, los sis zos (ID card issued by federal, state or local government)
- Daim ID tom tsev kawm ntawv uas muaj duab nrog (School ID with picture)
- Daim ID qhia tias yog Amesliskas tub rog los sis daim ntawv kee ua tub rog (U.S. Military ID card or draft record)
- Daim ID qhia tias yog Amesliskas tub rog cov poj niam me nyuam (U.S. Military dependent ID card)
- Ntawv qhia tias yog Native American (Native American Tribal document)
- Rau cov me nyuam hnub nyoog qis dua 16, kom tau Daim Ntawv Qhia Txog Tus Kheej HCF 10154 (Statement of
Identity (HCF 10154)
Koj nqa daim tseem los sis daim luam ntawm cov ntawv no xwb los tau mus rau koj tus neeg tuav ntaub ntawv. Yog
koj xa koj cov ntaub ntawv thov kev pab mus rau luag los sis thov online, muab daim luam ntawm cov ntawv no xa
mus xwb. Yog koj muaj teeb meem txog kev mus muab tej ntaub ntawv pov thawj uas koj xav tau, hu rau koj tus
neeg tuav ntaub ntawv kom nws pab koj.
|
