|
 |
Wisconsin Medicaid Fact Sheet
Daim Ntawv Qhia Txog Wisconsin Medicaid
Emergency Medicaid
PDF (28 KB)
|
Emergency Medicaid yog ib qho kev pabcuam luv luv rau cov neeg uas muaj kev
mob ti tes ti taw es tsis tau kev pab Medicaid vim lawv tej ntaub ntawv nkag
tebchaws los yog ntaub ntawv ua pejxeem.
Kev mob ti tes ti taw yog ib qho kev mob uas muaj feem dhau mus ua mob loj
lossis mob nyhav rau lub cev yog tsis nrhiav kev kho.
Lus Ntxiv: Emergency Medicaid tsuas pab them nqi kho mob ti tes ti taw
xwb. Emergency Medicaid tsis lav tias yuav pab them txhua yam kev kho mob uas
koj tau txais. Tej zaum koj kuj yuav raug them cov nqi kho mob, yog tias qhov
mob ntawd tsis yog ib qho mob ti tes ti taw.
Cov neeg uas tsimnyog tau Emergency Medicaid yog:
- Cov muaj hnubnyoog 65 xyoos lossis siab tshaj saud,
- Digmuag lossis pab tsis tau tus kheej,
- Cov muaj hnubnyoog qis dua19 xyoos rov hauv,
- Pojniam cev xeebtub,
- Muaj menyuam yaus nrog nyob hauv tsev, thiab
- Muaj nyiaj thiab khoom vaj khoom tsev txog lossis qi dua li Medicaid cov
ntsuam.
Cov uas tsis yog pejxeem tsis tas muab tus zauv Social Security lossis tej
ntaub ntawv nkag tebchaws es thiaj tau txais kev pab Emergency Medicaid.
Emergency Medicaid Hnub Pib thiab Hnub Xaus
Emergency Medicaid pib hnub ib uas koj tau txais kev kho mob ti tes ti taw
thiab xaus rau thaum koj qhov mob tsis yog mob ti tes ti taw lawm.
Yog koj cev xeebtub, koj thov tau Emergency Medicaid ib hlis ua ntej koj lub
hnub so. Emergency Medicaid yuav tsis them cov nqi kho thaum cev nyhav lossis
tomqab yug menyuam tas. Tiamsis, Emergency Medicaid yuav pab rau kev kho mob ti
tes ti taw 60 hnub ntxiv tom qab koj yug menyuam tas.
Cov pojniam cev xeebtub tej zaum kuj yuav tsimnyog tau txais kev pab los
ntawm BadgerCare Prenatal Program. Yam kev pab no yuav them tej nqi mus ntsib
kws khomob thiab nqi pw hauv tsev khomob. Koj tej kev pab hauv BadgerCare
Prenatal Program yuav tas rau hnub kawg ntawm lub hlis uas koj tau koj tus
menyuam.
Yog xav paub ntxiv txog BadgerCare Prenatal Program, mus saib Department of
Health and Family Services lub web site hauv
http://dhs.wisconsin.gov/badgercare/factsheets/phc10026h.htm.
Yuav Thov Li Cas
Koj mus thov Emergency Medicaid hauv tuamnroog lub chaw saib kev pabcuam
lossis lub chaw saib kev pabcuam hauv koj lub zos. Koj xa ntawv mus thov, hu
xovtooj, lossis mus thov tim ntsej tim muag los tau. Yog xav tau daim ntawv thov,
xav tau kev pab ua daim ntawv thov, lossis nrhiav lub chaw saib kev pabcuam hauv
koj lub zos, hu rau Recipient Services hauv 1-800-362-3002 lossis mus saib
Medicaid lub web site hauv
dhs.wisconsin.gov/medicaid1/contacts/index.htm.
Tej zaum koj yuav tau kom qhov chaw khomob ua ib daim ntawv qhia tias koj tau
mus kho mob ti tes ti taw thiab. Koj xav muab daim ntawv no xa nrog daim ntawv
thov Emergency Medicaid tuaj los tau, tiamsis txawm tsis muaj daim ntawv no los
tsis ua li cas.
Yog Xav Paub Ntxiv:
Department of Health and Family Services (DHFS) yog ib qho chaw ua haujlwm thiab
pab neeg yam tsis xaiv ntsej xaiv muag. Yog tias koj muaj tej yam tuncua
(disability) thiab xav tau cov ntaub ntawv qhia no ua lwm hom ntawv, lossis xav
kom muab txhais ua lwm hom lus, thov nug tau hauv (608) 266-3356 (suab) lossis
1-888-701-1251 (TTY). Kev pabcuam txhais ntawv txhais lus tagnrho yog pab dawb
xwb.
Yog muaj lus nug txog cov cai pejxeem, hu rau (608) 266-9372 (suab) lossis
1-888-701-1251 (TTY).
PHC 10072H (02/06)
| 
