|
 |
Wisconsin Medicaid Fact Sheet
Daim Ntawv Qhia Txog Wisconsin Medicaid
Medicaid Rau Cov Neeg Caum Hauj Lwm Ua Raws Caij Nyoog (Migrant
Workers)
PDF (73
KB)
|
Tej zaum koj yuav tau txais Medicaid yog tias koj yog ib tus neeg uas caum
hauj lwm ua raws caij nyoog thiab koj nim qhuav txav los nyob hauv Wisconsin luv
tshaj 10 lub hlis los ua hauj lwm raws caij nyoog hauv ib thaj teb los sis ua
liaj ua teb.
Koj cov nyiaj hli yuav siv los ntsuam xyuas seb koj puas tsim nyog tau txais
Medicaid. Yog tias koj yog ib tus neeg caum hauj lwm ua raws caij nyoog, koj cov
nyiaj xyoos yuav muab coj los xam seb koj cov nyiaj hli tau li cas.
Yog koj tab tom tau txais Medicaid hauv lwm lub xeev, koj yuav tau txais
Wisconsin Medicaid yog tias koj tsev neeg tsuas muaj coob tib yam li qub thaum
uas koj tau txais Medicaid hauv lub xeev ntawd. Koj tus neeg ua hauj lwm saib
Medicaid tej zaum yuav pab tau koj mus qhib dua koj cov ntaub ntawv yog tias koj:
- Tau nyob hauv Wisconsin yav tag los thiab txav tawm lawm, tiam sis koj rov
los nyob hauv Wisconsin dua, thiab
- Tsev neeg tsis tau hloov thiab tseem tsis tau txog koj lub caij ntsuam
xyuas.
Yog tais koj txav rov los nyob hauv Wisconsin tom qab koj lub caij ntsuam
xyuas los sis tsev neeg hloov lawm, koj yuav tau rov qab tso ntaub ntawv thov
dua.
Koj mus thov tau tom Medicaid lub tsev ua hauj lwm hauv koj lub zos los ntawm
kev thov tim ntsej tim muag, thov hauv xov tooj, xa ntawv thov los sis thov
online nyob hauv
https://access.wisconsin.gov. Yog yuav nrhiav lub chaw saib kev pab cuam
hauv koj lub zos, hu rau Recipient Services hauv 1-800-362-3006 los sis mus saib
Medicaid web site hauv
http://dhfs.wisconsin.gov/medicaid1/contacts/index.htm.
Yog yuav pab kom koj tau txais Wisconsin Medicaid sai, luam ib daim ntawv
ntawm koj daim Medicaid uas tau txais hauv lwm lub xeev thiab muaj rau lub
Wisconsin Medicaid chaw ua hauj lwm.
Xav Paub Ntxiv:
- Hu rau Recipient Services hauv 1-800-362-3002 (muaj kev pab rau cov tsis
hnov lus [TTY] thiab kev pab txhais lus) txog tej xwm qhia tias yuav mus thov
Medicaid li cas thiab thov qhov twg.
- Mus saib Wisconsin Medicaid web hauv
http://dhfs.wisconsin.gov/medicaid1/, los sis.
- Mus tom Medicaid lub chaw ua hauj lwm hauv koj lub zos.
Lub Department of Health and Family Services (DHFS) yog ib qho chaw ua hauj
lwm thiab pab neeg yam tsis xaiv ntsej xaiv muag. Yog tias koj muaj tej yam
tuncua (disability) thiab xav tau cov ntaub ntawv qhia no ua lwm hom ntawv, los
sis xav kom muab txhais ua lwm hom lus, thov nug tau hauv 1-608-266-3356 (suab)
los sis 1-888-701-1251 (TTY). Kev pab cuam txhais ntawv txhais lus tagnrho yog
pab dawb dawb xwb.
Yog muaj lus nug txog cov cai pejxeem, hu rau 1-608-266-9372 (suab) los sis
1-888-701-1251 (TTY).
PHC 10053H (07/06)
| 
