TUS NEEGMOB TXOJCAI thiab tus TXHEEJTXHEEM TSIS TXAUS SIAB pab rau tus PW-TSEVKHOMOB LOS PW TOM TSEV

rau cov neegmob txais kev pab nyobhauv Wisconsin rau kev mob/puas hlwb, kev qaug dejcaw, kev qaug tshuaj lwmyam losyog tsim kev mob puas hlwb/puas cev

NEEGMOB TXOJCAI RAU TUS PW-TSEVKHO MOB LOSYOG PW TOM TSEV

Thaum koj tau txais ib yam kevpab twg rau tom tsev pw khomob losyog rau tom tsev los ntawm kev mob puas hlwb, kev qaug dejcaw, kev qaug tshuaj, los yog tsim kev mob puas hlwb/puas cev. Koj muaj cai li nram no nyob rau hauv Wisconsin Statute sec. 51.61 (1) (exit DHFS; PDF, scroll to page 50) thiab HFS 94, Wisconsin Administrative Code (exit DHFS; PDF):

KOJ TUSKHEEJ TXOJCAI

• Koj yuavtsum raug kho nrog kev ncajncees, kev hwm, kev saib muaj nqis, tawm ntawm kev hais lus thiab ua txhaum cai.

• Koj muaj cai cia tus ua haujlwm pab txiavtxim kom ncaj thiab yog rau kev kho thiab tu koj.

• Koj muaj cai mus koom kev ntseeg, kev lomzem, kev ua haujlwm rau zejzos tawm ntawm koj qhov chaw nyob mus ntev li ua tau.

• Koj yuav tsis raug yuam ua haujlwm tsuas ntshe koj tu thiab ua koj li haujlwm hauv tsev. Yog koj txaus siab ua lwmyam hauj lwm, koj yuav tsum raug them.

• Yog koj muaj hnub nyug dhau 18 xyooj rov saud lawm, thiab raws txoj cai koj tseem yog neeg meejpem(muaj peev xwm), koj yuav txiav txim tau txog tej yam li sib yuav, los tawm suab(xaiv tsa) tau, thiab sau ntawv los teev koj tej teej tug cia.

• Koj yuav tsis raug kho tsis zoo los tsis ncaj vim koj yog neeg txawv nqaij tawv , yog poj niam /txivneej, txawv hnubnyug, kevtseeg, thiab mob puas hlwb/puas cev.

• Ibncig ntawm koj yuav tsum raug tu kom huvsi thiab du dais thiaj yuav tsis muaj teebmeem.

• Yuavtsum muab caij rau koj mus ncab ibce thiab tawm mus limcua tshiab tuabntws raws cai. Yog zoo sijhawm.

• Koj muaj cai tau txais kev khomob kom zoo ib yam raws li txhua tus neeg tuaj khomob.

TXOJCAI KHOMOB

• Yuavtsum muab kev pab kom sai thiab kho kom zoo txaus, los yog kho kom rov qab zoo li qub thiab muaj txoj kev kawm, kev qhia kom haum rau koj.

• Yuavtsum cia koj koom kev sablaj uas yuav npaj los kho thiab tu koj.

• Yuavtsum qhia koj txog kev yuav tu thiab yuav kho koj nrog tej yam tshuaj noj yuav tsis haum thiab tej yam mob uas yuav mob ntxiv rau koj.

• Yuav tsis kho losyog tsis muab tshuaj rau koj, yog tias koj tsis muaj ntawv sau los tawmtsam, ntshe yog muaj emergency, tsuas ntshe yuav tsum muab los tiv thaiv kev yuav ua mob loj rau koj thiab lwm tus los yog tsev haisplaub yuam kom muab, (yog koj muaj tus saib xyuas, ces koj tus saib xyuas mam sawvcev ua koj tug los pom zoo txog kev yuav kho thiab muab tshuaj rau koj.)

• Yuavtsis raug muab electro-convulsive los zuaj los yog tej yam tshuabntsuas mob hnyav xwsli psychosurgery los yog yuav kho koj los ua kev kawm uas yog tsis tau cai pomzoo sau los ntawm koj.

• Yuav xa ntawv tuaj qhia koj txog tej yam nuj nqis koj thiab koj cov kwvtij yuav raug them.

• Koj yuav raug kho kom tsis txhob muaj kev txwv thiab kev nyuaj dabtsi ntau li thiab yuav npaj kho kom zoo thiab tiav raws li txais koj los kho, thiab tseemnyob raws li nyiaj muaj los pab koj.

• Koj yuav tsis raug txhom los yog liaj rau chavtsev kaw neeg tsuas ntshe muaj emergency xwb yog thaum yuav tau ceev kom txhob raug mob rau koj thiab lwm tus. Uas yog ib feem ntawm qhov kevkho (txoj cai) uas koj thiab koj tus saibxyuas tau pom zoo nrog.

KEV TSHAB XOV THIAB TUSKHEEJ TXOJCAI

• Koj yuav hu xovtooj los sau ntawv rau cov nomtswv (hauv Zos & Xeev) losyog koj tus lausyawm.

• Muaj qee lub sijhawm koj yuav tsis raug yees duab, thiab kaw lus tsuas ntshe koj pom zoo.

• Koj yuav siv tau koj li nyiaj raws koj xaiv - tsuav koj tsis txhob siv dhau cai.

• Koj yuav xa thiab txais tau ntaubntawv uas tuaj rau koj. (tus ua haujlwm yuav qhib tabsis yuav tsis nyeem tsuas ntshe koj thov.) Lawv yuav qhib xyuas koj cov ntawv thaum lub sij hawm koj nyob ntawd seb puas muaj tej yam khoom txhaum txoj cai.

• Koj yuav siv/hu xov tooj tau txhua hnub.*

• Koj ntsib tau cov tuajxyuas koj txhua hnub.*

• Koj yuavtsum muaj cai nyob ib leeg hauv tsev dej, yog thaum koj tabtom tus koj lub cev.*

• Koj yuav hnav tau koj cov ris tsho.*

• Yuav tsum muab caij pub rau koj los ntxhua koj cov khaubncaws.*

• Koj yuav coj thiab siv tau yam khoom uas yog koj tug.*

• Yuavtsum muaj chaw zoo rau koj cia khoom*

* Koj ib txhia cai yuav raug txwv thiab yuav tsis txais coj los siv kho koj, kom thiaj li yuav muaj kev ruajntseg. (Saib txojcai muaj ib lub * nyob rau tomqab.) Koj thiab koj tus saibxyuas tej kev xav yuav raug muab los xyuas seb puas yuav siv tau. Qhov twg tsis raug pom zoo lawv yuav qhia neb paub. Koj yuav tham nrog cov ua haujlwm txog qhov no los tau. Koj yuav tawmtsam uas siv tus TxheejtxheemTsis Txaus Siab txog koj tejyam kev txwv los tau.

CEEVTSEG THIAB MUABSAIB

Nyob hauv Wisconsin Statute sec. 51.30 thiab HFS 92, Wisconsin Administrative Code:

• Koj cov ntawv khomob yuav raug ceevtseg, yuavtsis muab tshaj tawm(tsis pub lwm tus paub txog) yog koj tsis pomzoo, ntshe tsuas yog txoj cai tso tawm xwb.

• Koj cov ntawv teev tseg yuav tsis muab tso tawm yog koj tsis pom zoo, ntshe raug txojcai yuam xwb.

• Koj nug tau, yog koj xav saib koj cov ntawv teev tseg. Koj yuav tau muaj ntawv povthawj qhia txog koj tus kheej los yog kev noj tshuaj. Sij hawm ntawd tus neeg ua haujlwm yuav qhia tias koj tsuas saib tau txij li cas. Yam uas raug txwv yuavtsum qhia koj paub. koj yuav tw saib tau qhov txwv ntawd los ntawm kev siv tus Txheejtxheem Tsis Txaus Siab.

• Tomqab koj khomob tag lawm, yog koj nug, koj yuav saib tau tagnrho koj cov ntaub ntawv khomob teev cia.

• Yog koj ntseeg tau tias muaj tejyam tsis yog teev hauv koj cov ntawv, koj yuav tw qhov yog ntawd tau. yog cov ua haujlwm tsis kam hloov , koj siv tus cai Tsis Txaus Siab los tawm tsam los yog sau li koj xav tias yog rau hauv koj cov ntawv teev tseg.

TXOJCAI MUS TIM CHAW HAISPLAUB

• Yog koj ntseeg tias koj raug yuam cai lawm, yog koj tsis siv tus Txheej txheem Tsis Txaus Siab los hais, Koj yuav coj qhov teebmeem no mus tawmtsam rau tim tsev hais plaub los tau.

• Yog koj txoj kev xav rov raug teebmeem rau koj lawm, koj yuav nug tus tswj plaubntug los xyuas koj cov lus cogtseg.

TXHEEJTXHEEM NKAW LUS TSIS TXAUS SIAB

Tham tsis raws txheej (yog tuajyeem)

• Xav kom koj xub tham nrog tus ua haujlwm txog koj tej kev txhawjxeeb ua ntej koj yuav sau ntawv raws txheej los tawmtsam txog kev Tsis Txaus Siab nrog koj tus service provider.

Sojntsuam Kev Tsis Txaus Siab-Raws txheej

• Yog koj yuav sau ntawv tawmtsam txog Kev Tsis Txaus Siab. Koj yuav tau sau tsis pub dhau 45 hnub txij hnub uas koj tau paub qhov teebmeem no los lawm. Yog qhov teebmeem loj tsim nyog tus program manager yuav ncua los yuav txuas kom ntev tshaj 45 hnub.

• Tus program’s client rights specialist (CRS) yuav taug koj tsab ntawv tawmtsam txog Kev Tsis Txaus Siab thiab yuav sim daws kom tiav qhov teeb meem no.

• Tsuas ntshe txoj Kev Tsis Txaus Siab raug daws tiav los ntawm kev tsis tham raws txheej , tus CRS yuav sau ntawv qhia ua ntej 30 hnub txij hnub uas tau tawmtsam txoj Kev Tsis Txaus Siab raws txheej. Yuav xa ib tsab tuaj rau koj.

• Yog koj thiab koj tus program manager pom zoo nrog tus CRS’s tsab ntawv teev tseg thiab muab lus xav kom koj uas raws. cov lus xav kom koj ua raws no yuav muab coj los siv raws lub caij nyug uas tau teev tseg.

• Koj yuav sau ntau tsab ntawv tawmtsam txog txoj Kev Tsis Txaus Siab no los tau. Tab sis tus CRS Nws tsuas lis ib tsab ntawv tawmtsam zuj zus xwb. Nws yuav kom koj luj seb tsab twg tseem ceeb dua ces yuav xub pib tsab ntawd ua ntej.

Program Manager Kev Txiavtxim Siab

• Yog txoj kev tsis txaus siab ntawd tseem tsis tau hais tiav los ntawm tus CRS thiab , tus program manager losyog tus designee yuav tau sau txog kev txiavtxim siab nyob rau hauv 10 hnub thaum koj txais tau CRS tsabntawv txiavtxim siab. Yuav xa ib tsab tuaj rau koj.

County Kev Ntsuamxyuas

• Yog koj tau txais kev pab los ntawm county los sis chaw ua haujlwm private. Yog county ua tus pab koj them, koj yuav tw tau tus program manager kev txiav txim mus rau tim County Agency Director. Koj yuav tw nyob rau hauv 14 hnub suav txij hnub koj tau txais tus program manager tsab ntawv txiavtxim siab. Koj xa los yog kom koj tus program manager xa koj daim ntawv tawmtsam txog Kev Tsis Txaus Siab los tau.

• Nyob rau hauv 30 hnub ntawd tus County Agency Director yuav tsum sau ib tsab txog nws kev txiavtxim tomqab uas koj tau thov los tawmtsam nrog lawm.

Lub Xeev Ntsuamxyuas Kev Tsis Txaus Siab

• Yog koj tsab ntawv txog Kev Tsis Txaus Siab mus dhau county kev tsuamxyuas lawm, koj tseem tsis tau zoo siab thiab. Koj yuav tawmtsam mus rau nram lub Xeev Chaw Ntsuamxyuas Kev Tsis Txaus Siab.

• Yog private agency ua tus them rau koj, koj yuav tawmtsam tus program manager ncajnraim rau nram lub Xeev Chaw Ntsuamxyuas Kev Tsis Txaus Siab.

• Koj yuav tsum tawmtsam rau nram lub Xeev Chaw Ntsuamxyuas Kev Tsis Txaus Siab nyob rau hauv 14 hnub txij hnub koj tau txais qhov kev txiav txim siab tas los no. koj xa los yog kom koj tus program manager xa tsab ntawv tawmtsam Kev Tsis Txaus Siab no mus rau lub Xeev Chaw Ntsuamxyuas Kev Tsis Txaus Siab.

• Chaw nyob yog: State Grievance Examiner, DDES, P.O. Box 7851, Madison, WI  53707-7851.

Lub Xeev Ntsuamxyuas Zaumkawg

• Pabtwg los muaj 14 hnub txij hnub txais tau tsab ntawv txiavtxim siab nram lub Xeev Chaw Ntsuamxyuas Kev Tsis Txaus Siab los mus thov lub xeev ntsuamxyuas ua zaum kawg uas yuav raug ntsuamxyuas los ntawm the Administrator of the Division of Disability and Elder Services or designee. Xa koj tsab ntawv thov mus rau DDES Administrator , P.O. Box 7851 , Madison , WI 53707-7851.

Koj tham nrog cov ua haujlwm los yog hu xov tooj rau koj tus CRS , uas nws lub npe tau teev muaj raws li nram no. Yog koj xav tawmtsam txog Kev Tsis Txaus Siab los xav paub ntau txog Tus Txheej txheem Kev Tsis Txaus Siab uas qhov program no muaj thiab tau muab kev pab rau koj.

Koj tus Client Right Specialist yog:

Npe:___________________________________________________

Chawnyob:______________________________________________

_______________________________________________________

Xovtooj:________________________________________________

CEEBTOOM: Tseemtshuav ntau txoj cai nyob hauv sec. 51.61(1) thiab HFS 94 , Wisconsin Administrator Code. Yog koj xav tau ib daim ces koj nug tau.

Luamtawm los ntawm:  Department of Health and Family Services
Division of Disability and Elder Services
Kaum ib hlis ntuj 1998

PDE – 3133 H

PDF: The free Acrobat Reader^® software is needed to view and print portable document format (PDF) files. Learn more.

Last Updated: April 20, 2006